The Definitive Guide to Living in the Capital , Cairo , Egypt

الأيام بتجري من غير ما نحس بيها. نبقى لسه بادئين الأسبوع، نلاقيه دخل في اللي بعده. وفي وسط كل ده، خروجتنا مكملة ومابتخلصش. وكالعادة بنعرفها من أجندة كايرو 360:

النهاردة تاني يوم من حفلات مهرجان محكى القلعة، في قلعة صلاح الدين. والنهارده هيكون موجود الفنان سعيد الأرتيست، وبعده حفلة للفنان أحمد سعد. الحفلة هتبدأ الساعة 8، وسعر الدخول: 5 جنيه.

علبة ألوان في الزمالك هتعرض فيلم “War Machine“. الفيلم بيدور عن جنرال في الجيش الأمريكي، بيواجه معارضة من الحلفاء والأعداء وحتى البيروقراطيين، خلال عملية إعادة إعمار في أفغانستان. العرض هيبدأ الساعة 7 مساءً. وسعر التذكرة: 50 جنيه.

فريق “إنسجام” هيحيي حفلة غنائية في باب 18. الفريق بيقدم أنواع مختلفة من الأغاني والموسيقى. الحفلة هتبدأ الساعة 8 مساءً.

ييلو أمبريلا في المعادي هتعرض فيلم “Everything Everything“. اللي بيدور عن بنت عايشة طول عمرها جوة البيت بسبب مرضها. بس لما بتقع في حب جارها، الأمور بتتغير 180 درجة. العرض هيبدأ الساعة 8 مساءً. وسعر التذكرة: 30 جنيه.

يسعد يومكم.