The Definitive Guide to Living in the Capital , Cairo , Egypt

يلا زي ما اتعودنا، نعرف الأنشطة والحفلات اللي هنختم بها يومنا.. وده كالعادة من أجندة كايرو 360:

مركز أوزيريس في جاردن سيتي، هيستضيف سهرة غنائية للفنانة “جانيت زكي“. وهي مغنية بدار الأوبرا المصرية وعضوة في أوركسترا القاهرة السيمفوني “كورال كابيللا”. الحفلة هتبدأ الساعة 7 مساءً.

وفي دوار هيكون في عرض مايم في الجنينة. هيقدمه الفنان مصطفى حزين. العرض الساعة 8 مساءً، وهيستمر لحد بكرة. سعر التذكرة: 35 جنيه.

سينما دال في وسط البلد، هتعرض فيلم “Beyond the Clouds“. الفيلم بيعرض 4 قصص مختلفة، المرأة هي محورها. العرض هيبدأ الساعة 7:30 مساءً. والدخول مجانًا.

فرقة الرقص المسرحي الحديث، هيقدموا عرض “أرملة الصحراء” على مسرح الجمهورية. وهو مأخوذ من رواية الأديب بهاء طاهر. العرض هيبدأ الساعة 7 مساءً. وسعر التذكرة: 25 – 35 – 50 جنيه.

يومكم سعيد.