الحياة في كايرو
النهارده في القاهرة: أغاني ومزيكا وعرض زار.. وأكتر
بواسطة
Cairo 360
ليل القاهرة مليان سهرات وحفلات، هنا وهناك. دي خروجات النهارده من أجندة كايرو 360:
الفنانة “نسمة عبد العزيز” وفرقتها، هيحيوا حفلة موسيقية على المسرح المكشوف، في دار الأوبرا المصرية. الحفلة هتبدأ الساعة 9:30 مساءً. وسعر التذكرة: 50 جنيه.
الزار من الفنون الشعبية الأصيلة في مصر، وفيه منه 3 أنواع: الزار المصري – زار أبو الغيط – الزار السوادني.. فرقة “مزاهر” هتقدم لنا عرض الزار المصري في مكان، والحفلة هتبدأ الساعة 9 مساءً. وسعر التذكرة: 40 جنيه.
أما في علبة ألوان هنستمتع بمجموعة من “ألعاب الخفة والعقل“، مع مصطفى البرجاوي. العرض هيبدأ الساعة 9:30 مساء. وسعر التذكرة: 50 جنيه.
وكمان في علبة ألوان لنا ميعاد مع حفلة غنائية، هيقدمها “طارق العاصي” والأصدقاء. الحفلة هتبدأ الساعة 11 مساءً. وسعر التذكرة: 50 جنيه.
سهرة سعيدة.