النهارده في القاهرة: ألعاب حظ وأغاني وأفلام.. هتحتاج إيه تاني؟
Cairo 360
رجعنا من ويك إند طويل المرة دي، وبالتالي داخلين على اسبوع شغل قصير. ودي حاجة حلوة طبعًا. يلا بينا نعرف خروجاتنا فين النهارده، مع أجندة كايرو 360:
لو بتحب ألعاب الحظ والتسالي، زي السلم والتعبان وبنك الحظ، وكمان الطاولة والدومينو وغيرهم. علبة ألوان في الزمالك هتستضيف حفلة كاملة لكل ألعاب الحظ. الحفلة هتبدأ الساعة 7 مساءً. سعر التذكرة: 75 جنيه.
بلكون هليوبوليس في مصر الجديدة، هتعرض الفيلم الألماني “Goodbye Berlin“. الفيلم بيدور عن اتنين مراهقين بيسرقوا عربية، ويدخلوا في رحلة كلها إثارة، هتغير حياتهم. العرض هيبدأ الساعة 8 مساءً. وسعر التذكرة: 25 جنيه.
رووم آرت سبيس في جاردن سيتي، هيكون فيها حفلة كاريوكي. علشان تغني وتطلع كل مواهبك. الحفلة هتبدأ الساعة 8 مساءً. وسعر التذكرة: 50 جنيه.
أما سينما مجنوليا في الزمالك، هتعرض فيلم “The Brand New Testament“. اللي بيصور الخالق على هيئة بشر عايش بين الناس، وبيدير الأمور من خلال حاسوب آلي. العرض هيبدأ الساعة 7 مساءً. والدخول مجانًا.
سهرة سعيدة.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
