The Definitive Guide to Living in the Capital , Cairo , Egypt

أسبوع جديد بدأ، والواحد لسه فريش وكله طاقة، بيستعد لرحلة الـ 5 أيام عمل. ومعاهم أكيد مش ناسي يستعد لرحلة 7 أيام روقان مع أجندة كايرو 360. تعالوا نشوف اللي فيها النهارده:

على مسرح النهر في ساقية الصاوي، لنا لقاء مع فرقة “ملاذ”. اللي بتقدم أغاني الروك والميتال بس بالعربي. وده بيخلي لأغانيهم شكل وطابع مختلف. الحفلة هتبدأ الساعة 7:30 مساء. وسعر التذكرة: 30 – 35 جنيه.

نفضل في الساقية برضه، على مسرح الحكمة. وحفلة موسيقية من نوع خاص، بيقدمها الفنان “الحاتم”. وهي عبارة عن موسيقى البيت بوكس، اللي بيتعمد فيها على صوته في تشكيل النغمات المختلفة. الحفلة هتبدأ الساعة 6 مساءً. سعر التذكرة: 45 – 50 جنيه.

 

مكتبة ديوان الزمالك، بتستضيف حفل توقيع كتاب “سألقاك هناك”. للكاتبة رشا سمير. وبتتناول الكاتبة فيه أحداث اجتماعية بشكل رومانسي، وبلغة بسطة. الحفل هيبدأ الساعة 7 مساء. والحضور مجانًا.

يومكم سعيد.