النهارده في القاهرة: الأولة بلدي في بيت السناري وفيلم في درب 1718 ومسرحية في الهناجر
Cairo 360
رغم أننا في فترة فيها فعاليات عالمية مهمة كتير زي الألعاب الأوليمبية وغيرها، إلا أنه بعض الناس لازالوا بيفضلوا الخروج والانطلاق أكتر بكتير من القعدة والمتابعة، الناس دي أكيد هتنبسط لما تعرف أنه النهارده فيه كام حاجة ممكن يقضوا فيها يومهم بعد الفراغ من التزاماتهم، ولحسن الحظ كل حاجة فيهم مختلفة في طبيعتها وموضوعها عن التانية.. علشان كل صاحب ذوق يلاقي اللي يناسبه!
في البداية بيت السناري بالسيدة زينب هيفتح أبوابه النهارده لفرقة "الأولة بلدي" اللي بيحيي أعضاءها تراث الراحل العظيم الشيخ إمام عيسى.. بينتقوا مجموعة من أفضل أغانيه ويأدوها بأسلوب جميل وخفيف زي روح الشيخ الراحل تمام.. الدعوة عامة والحضور مجاني، والحفل هيبدأ الساعة 7:30 مساءً.
وبعيدًا عن الغناء والموسيقى نروح لمنطقة تانية من المناطق اللي تشم فيها رائحة التاريخ، منطقة مجمع الأديان بمصر القديمة.. وتحديدًا من درب 17 18 اللي هيستضيف النهارده عرض للفيلم الألماني "GoodBye Lenin".. العرض هيبدأ الساعة 8:00 مساءً والدعوة برضه عامة والحضور مجاني.
ونختم التشكيلة بعرض مسرحي من العيار الثقيل على مسرح الهناجر، عرض "الرمادي" اللي مأخوذ عن رواية 1984 الشهيرة للكاتب الروائي جورج أورويل، يذكر أن العرض يتم تقديمه ضمن فعاليات المهرجان القومي للمسرح، وبدايته هتكون الساعة 7:00 مساءً.. يوم سعيد للجميع.
وعلشان تعرفوا عن كل الفعاليات المقامة في القاهرة باستمرار وتعرفوا الجديد أول بأول.. تابعوا أجندتنا من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
