The Definitive Guide to Living in the Capital , Cairo , Egypt

القاهرة مليانة أحداث مهمة، ودايمًا أجندة كايرو 360 بتحاول تجمع لكم أفضل الموجود، يلا بينا بقى نشوف إيه الجديد اللي هيحصل #النهارده_في_القاهرة:

زجزاج في وسط البلد، هيقدم لنا النهارده سهرة موسيقية مميزة. هيحييها فريق “الدور الأول” بمجموعة من أغانيهم الخاصة. الحفلة هتبدأ الساعة 10 مساءً. سعر التذكرة: 50 جنيه.

أما ساقية الصاوي بتستضيف حفلة “يوم الراب” على مسرح النهر. وهي حفلة خاصة بموسيقى وأغاني الراب. بيحيي الحفلة عدد من نجوم الراب منهم: سوسكا – شمس الدين. الحفلة هتبدأ الساعة 8 مساءً. وسعر التذكرة: 25 – 30 جنيه.

سينما دال في جاردن سيتي، هتعرض الفيلم الفرنسي “The Lovers on the Bridge”. اللي بيدور عن قصة حب بتنشأ بين فنان مدمن على الكحول، وبنت فقيرة. والاتنين عايشين على واحد من أقدم الكباري في باريس. العرض هيبدأ الساعة 7:30 مساء. الدخول مجانًا.

عشاق الزار والأغاني الشعبية الجميلة، اللي مستوحاة من تراثنا. ميعادهم مع حفلة زار بتقدمه فرقة مزاهر في مكان. الحفلة هتبدأ الساعة 8 مساءً. وسعر التذكرة: 40 جنيه.

يومكم جميل.