النهارده في القاهرة: الفن بكل ألوانه.. أغاني ومسرح وأفلام
Cairo 360
الخروجات والفسح حتى لو بسيطة، دايمًا بتكون عامل مهم لتغيير المود وتظبيط المزاج. يلا بينا نغير المود ونظبط المزاج بأجندة كايرو 360:
النجم السعودي رابح صقر، هيحيي حفلة غنائية، في فندق فورسيزونز نايل بلازا. الحفلة هتبدأ الساعة 11 مساءً، وهتستمر لحد 4 صباحًا. وسعر التذكرة بيبدأ من: 4000 جنيه.
سينما مجنوليا في الزمالك، هتعرض فيلم “Volver” بطولة النجمة “بينيلوبي ركوز”. الفيلم بيدور في إطار الدراما والخيال، عن أم بترجع للحياة بعد موتها، علشان تصلح أوضاع كانت في حياتها قبل ما تموت. العرض هيبدأ الساعة 7 مساءً. والدخول مجانًا.
فرقة “العرض الأفضل” هتقدم مسرحية “الجميلة والواغش“، على مسرح الحكمة في ساقية الصاوي. العرض هيبدأ الساعة 6 مساءً. وسعر التذكرة: 25 – 30 جنيه.
أما بلكون هليوبوليس في مصر الجديدة، هتعرض فيلم “Demain Tout Commence“. واللي بيدور عن “صمويل” اللي بيسيب فرنسا ويروح لندن، علشان يشتغل ويربي بنته. العرض هيبدأ الساعة 8 مساءً. وسعر التذكرة: 25 جنيه.
انبسطوا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
