The Definitive Guide to Living in the Capital , Cairo , Egypt

طبعًا لسه خارجين من أجازة وخروجات شم النسيم، لكن ده مش معناه إن الخروجات والفرفشة خلصوا. تعالوا نشوف أجندة كايرو 360 جايبة معاها إيه:

نبدأ من ساقية الصاوي، وحفلة غنائية هيقدمها الفنان أسامة الهادي وفرقته. الحفلة هتكون على مسرح النهر، وهتبدأ الساعة 5 مساءً. سعر التذكرة: 25 – 30 جنيه.

حفلة تانية هيحييها الفنان حسن رمزي في علبة ألوان بالزمالك. وهيكون بصحبته  الفنان خالد العجاتي. الحفلة هتبدأ الساعة 8 مساءً. وسعر التذكرة: 60 جنيه.

سينما مجنوليا في الزمالك، هتعرض فيلم “Run Lola Run”. وبيدور عن بنت اسمها “لولا” قدامها 20 دقيقة بس، تجمع فيهم مبلغ 100 ألف دولار. علشان تنقذ حياة صديقها. العرض هيبدأ الساعة 7 مساءً. الدخول مجانًا.

وفي وكالة الغوري، هيكون ميعادنا مع فرقة التنورة التراثية، اللي هتقدم عرض التنورة الصوفي مع الموسيقى الشعبية. الحفلة هتبدأ الساعة 7:30 مساءً. سعر التذكرة: 5 جنيه.

يومكم مليان سعادة.