الحياة في كايرو
النهارده في القاهرة: حفلة أوبن مايك لكل المواهب وأفلام في كل حتة
بواسطة
Cairo 360
الخروجات النهارده كتيرة، يلا على طول نعرفها من أجندة كايرو 360:
علبة ألوان النهارده هيكون فيها حفلة أوبن مايك، وكل حد عنده موهبة يقدر يعرضها على الجمهور. وكمان فيه حفلة كاريوكي، وعرض لفيلم “Blade Runner 2049”. الحفلة هتبدأ الساعة 6 مساءً. وسعر التذكرة: 100 جنيه.
سينما الزمالك هتستضيف عرض برنامج “شورتات النجوم“. وده عبارة عن 4 أفلام مختلفة من بطولة الفنانة هند صبري. وكل فيلم بيحكي قصة مختلفة. العرض هيبدأ الساعة 7 مساءً.
وفي وسط البلد ميعادنا مع فيلم “علي معزة وإبراهيم“، اللي هيتعرض في جمعية نقاد السينما. العرض هيبدأ الساعة 7 مساءً. والدخول مجانًا.
انبسطوا.