النهارده في القاهرة: حفلة تامر عاشور وعروض أفلام وباليه زوربا
Cairo 360
زي ما كل شيخ وله طريقة، كل مزاج متظبط وله طريقه برضه. وإحنا بقى عندنا كل الطرق بتاعت تظبيط المزاج. تعالوا نعرف خروجات وحفلات أجندة كايرو 360:
طلاب جامعة القاهرة النهارده الكل بيحسدهم، علشان النجم تامر عاشور هيحيي حفلة غنائية خاصة لهم وبس. ضمن فعاليات الموسم الثقافي والفني بالجامعة. الحفلة هتبدأ الساة 6 مساءً. والدخول مجانًا وخاص فقط بطلبة الجامعة.
سيما دكة، في دكة أضف، هتعرض الفيلم الإيطالي “Life Is Beautiful”. الفيلم بيدور عن أب يهودي وابنه بيتقبض عليهم. ويترحلوا للمعسكرات النازية. ومحاولة الأب طول الوقت إنه يخفف عن ابنه مشاعر القلق والخوف اللي بيتعرض لها. العرض هيبدأ الساعة 7 مساءً. والدخول مجانًا.
فرقة “سواريه” بقيادة الفنان ياسر سليمان، هتحيي حفلة غنائية على مسرح الحكمة في ساقية الصاوي. الحفلة هتبدأ الساعة 8 مساءً. سعر التذكرة: 45 – 50 جنيه.
عشاق الباليه لهم نصيب الأسد، لأن فرقة باليه أوبرا القاهرة هتقدم – و لمدة 4 أيام – باليه “زوربا”، على المسرح الكبير في دار الأوبرا المصرية. العرض هيبدأ الساعة 8 مساءً. سعر التذكرة: 75 – 100 – 150 جنيه.
يومكم سعيد.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
