The Definitive Guide to Living in the Capital , Cairo , Egypt

يوم جديد بأحداثه وفعالياته اللي بتملى نهار القاهره وليلها بهجة، تعالوا نشوف أجندة كايرو 360 هتقولنا إيه:

جامعة القاهرة هتستضيف حفلة ضخمة للسوبر ستار “محمد حماقي” ولأول مرة في الجامعة بحضور محموعة من نجوم الكورة والفن ومنهم “حازم إمام” ونجوم مسرح مصر “علي ربيع” و “أوس أوس” و”كريم عفيفى”. الدعوة عامة لكل طلاب جامعة القاهرة، والحفلة هتبدأ من 6 مساءً.

ضمن فعاليات الدورة التالتة من مهرجان “أيام القاهرة السينمائية“.. سينما زاوية هتقدم النهارده 3 أفلام “لا أحد هناك” و”مفك” و”عن الآباء والأبناء”. العروض بتبدأ من الساعة 6.

موعدنا النهارده الساعة 8 مع فرقة “باليه أوبرا القاهرة” و”أوركسترا أوبرا القاهرة” وعرض الباليه العالمي “جيزيل” اللي هيتقدم على المسرح الكبير في دار الأوبرا. 

عشاق المسرح.. معادنا النهارده مع عروض “إنسان بالألوان” على مسرح “الهوسابير” الساعة 4:30 .. والعرض المسرحي “الرجال لهم رؤوس” في “علبة ألوان” الساعة 8.

أكيد لسه في عروض وفعاليات أكتر هتلاقوها، ممكن تعرفوا إيه الجديد  كل يوم في القاهرة من أجندة كايرو 360 من هنا.