النهارده في القاهرة: شعر وسينما وإنشاد وحفلة زار
Cairo 360
كل يوم بنحتاج نعمل حاجة تحسسنا إننا مبسوطين وبنعافر علشان نوصل لأحلامنا، وزي ماعودناكم بنوفر لكم أحداث تساعدكم تكتشفوا نفسكم وكل جديد في القاهرة في أجندتنا.. أجندة كايرو 360.
النهارده فيه أحداث كتيرة مختلفة زي مناقشة لفيلم قديم من ضمن فعاليات برنامج ” Mise.en.scène” هيتم فيه عرض فيلم “أنا حرة” للمخرج صلاح أبو سيف والكاتب الكبير إحسان عبد القدوس واللي بيناقش دور المرأة بطرق متعددة وبعد عرض الفيلم، هيكون فيه مناقشة مع سامية محرز أستاذة الأدب المعاصر، وهيدير الحوار نور الصافوري.
أما لو أنتم من هواة الشعر يبقى لازم تروحوا أمسية شعرية للدكتورة سامية الساعاتي في المسرح الصغير في دار الأوبرا المصرية.
ومحبي الإنشاد يستعدوا لحفل إنشاد ديني لفرقة الرضوان- المرعشلي على مسرح الجمهورية، وسعر التذكرة 25- 35 جنيه.
كمان فيه حفل لفرقة مزاهر في مكان في وسط البلد، فرقة مزاهر بتقدم أغاني تراثية شعبية اللي شبه الزار واللي كانت بتتقال في الاحتفالات الشعبية، وسعر التذكرة 40 جنيه.
خلصت أحداثنا للنهارده بس الأكيد إنكم تقدروا كل الأحداث المختلفة على مدار الشهر من أجندة #كايرو_360.
