النهارده في القاهرة: فلكلور فلسطيني وإنشاد.. وعروض فنية مختلفة
Cairo 360
خلاص آخر أسبوع في رمضان، وكلها أيام ويودعنا. بس حفلات القاهرة عمرها ما بتودعنا ومعانا طول السنة. دي حفلات النهارده من أجندة كايرو 360:
في ساقية الصاوي ميعادنا مع حفلة بأجواء مختلفة. فرقة “أوف” الاستعراضية، هتقدم عروض وأعمال فلكلورية، بروح التراث الفلسطيني. الحفلة هتبدأ الساعة 9 مساءً. وسعر التذكرة: 25 – 30 جنيه.
أما باب الدنيا في 6 اكتوبر، هيكون فيه حفلة إنشاد مميزة للشيخ “زين محمود“. وهو مداح على الطريقة الشاذلية، ومن محافظة المنيا. الحفلة هتبدأ الساعة 9:30 مساءً. وسعر التذكرة: 50 جنيه.
مسرح الضمة في عابدين، هيستضيف فرقة “الورشة“. اللي هتقدم عروض فنية مختلفة، فيها حكي ورقص وغنا. الحفلة هتبدأ الساعة 9:30 مساءً. وسعر التذكرة: 30 جنيه.
وعلى المسرح المكشوف في دار الأوبرا، هيكون لنا لقاء مع “منال محيي الدين“. وحفلة موسيقية على أنغام الهارب. الحفلة هتبدأ الساعة 9:30 مساءً. وسعر التذكرة: 50 جنيه.
يومكم سعيد.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
