النهارده في القاهرة: كاريوكي وشعر وتمثيل وكمان أفلام
خروجات، حفلات، النهارده في القاهرة
Cairo 360
القاهرة كلها يوم فيها خروجات جديدة، وإحنا في كايرو 360 دورنا نجمع لكم الخروجات دي.. تعالوا نعرف أهم اللي هيحصل في العاصمة النهارده.
علبة ألوان عاملة حفلة كاريوكي وأوبن مايك. علشان تغني وتنبسط مع أصحابك، وتطلع مواهبك الدفينة زي الشعر أو الاستاند أب كوميدي. وكمان هيكون فيه عرض لفيلم في قاعة السينما. الحفلة هتبدأ الساعة 7 مساءً. وسعر التذكرة: 75 جنيه.
وفي سينما الزمالك هنشوف عرض خاص لفيلم “Padmaavat“. الفيلم بيدور عن الأميرة “بادمافاتي” الجميلة، اللي عايشة مع زوجها الملك في سلام. لحد ما سلطان يسمع عن جمالها، ويحاول يغزو المملكة بالجيش علشان يوصلها. العرض هيبدأ الساعة 7 مساءً. وسعر التذكرة: 75 – 100 جنيه.
لسه في الزمالك، بس هنروح لسينما مجنوليا، اللي هتعرض فيلم “Dalida“. واللي بيدور عن حياة أسطورة الغناء داليدا. العرض هيبدأ الساعة 7 مساءً. وسعر التذكرة: 25 جنيه.
سهرة سعيدة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
