النهارده في القاهرة: كاريوكي وورش رسم وأفلام وابتهالات دينية
Cairo 360
صحيح الجو اليومين دول بدأ يبرد بالليل، وممكن الواحد يكسل يخرج. بس الخروجات الحلوة ماتتسبش في أي جو. اعرفوا خروجات النهارده من أجندة كايرو 360:
عايز تغني وتطلع كل مواهبك الدفينة مع أصحابك؟ رووم آرت سبيس مستنياك النهارده في حفلة كاريوكي هتبسطك. الحفلة هتبدأ الساعة 8 مساءً. وسعر التذكرة: 50 جنيه.
دكة أضف في المقطم، هتعرض الفيلم الفرنسي “The Piano Teacher“. واللي بتدور أحداثه في إطار رومانسي، عن شاب بيحب مدرسة البيانو الخاصة به. العرض هيبدأ الساعة 7 مساءً. الدخول مجانًا.
لسه فيه فرصة لأي حد بيحب الرسم، علشان باب 18 عامل ورشة رسم مدتها 3 أيام من النهارده. فيها كل أساسيات الرسم. تكلفة الورشة: 600 جنيه. وهتكون من 7 لـ 9 مساءً.
ونختم بشوية راحة نفسية مع أجمل الابتهالات والأناشيد الدينية، اللي هيقدمها الشيخ عبد الرحمن في مكان. الحفلة هتبدأ الساعة 8 مساءً. وسعر التذكرة: 40 جنيه.
سهرة سعيدة.