النهارده في القاهرة: كورسات دوبلاج وأغاني وأفلام
Cairo 360
يوم جديد وخروجات جديدة بتيجي معاه. يلا نعرفها كلها من أجندة كايرو 360:
فرقة مزاهر هتقدم عرض الزار البلدي في مكان. وهو فن قائم بشكل أساسي على المرأة. الحفلة هتبدأ الساعة 8 مساءً. وسعر التذكرة: 40 جنيه.
في سينما مجنوليا في الزمالك، هنشوف الفيلم الدنماركي “Sami Blood“. اللي بيدور عن بنت من الشعوب السامية الأقلية، بيتم فصلها عن أهلها كنوع من التفرقة العنصرية. لحد ما حياتها بتتغير 180 درجة. العرض هيبدأ الساعة 7 مساءً. وسعر التذكرة: 5 جنيه.
لو بتحب الدوبلاج وعايز تتطور نفسك فيه، مركز دا هاوس عامل ورشة لتعليم الدوبلاج للكبار. هتبدأ النهارده. وتكلفتها: 750 جنيه.
ونروح لعلبة ألوان مع حفلة غنائية هيقدمها رباعي يوسف توفيق الوتري، وبعده عازف الساكسفون شادي القصير. الحفلة هتبدأ الساعة 8 مساءً. وسعر التذكرة: 100 جنيه.
انبسطوا، وماتنسوش تعرفوا أجدد الأفلام اللي هتتعرض في السينمات من عندنا النهارده.
مقترح
فن وثقافة
في الويك إند.. دليلك للسفر في رحلة بصرية مبهرة مع توت عنخ آمون
الجيزة المتحف المصري الكبير +5
معالم وسياحة
