The Definitive Guide to Living in the Capital , Cairo , Egypt

بدأنا يوم جديد من أيام الأسبوع في القاهرة الحبيبة. ومعاه بيبدأ الروتين المعتاد والملل، اللي مش بيكسرهم غير أجندة كايرو 360. دايمًا بتيجي ومعاها كل جديد في الحفلات والإيفينتات. فتعالوا نشوف جايبة لنا إيه النهارده:

نبدأ كده سهرتنا بداية فنية مميزة مع فرقة “كركديه”، واللي هتحيي حفلة غنائية في مكان. الفرقة بتقدم ألوان الموسيقى المصرية من الفلكلور والموسيقى الصوفية والتخت الشرقي وكمان الموسيقى الكلاسيكية. وهدفهم الحفاظ على النوع ده من الموسيقى اللي أصبح مهدد بالانقراض. الحفلة هتبدأ الساعة 8 مساءً. وسعر التذكرة: 30 جنيه.

وعلى المسرح الكبير في دار الأوبرا المصرية، فرقة فرسان الشرق للتراث بتقدم العرض المسرحي “علاء الدين”. العرض هيبدأ الساعة 8 مساءً. وسعر التذكرة: 50 – 75 جنيه.

أما سيما دكة في دكة أضف فبتاخدنا لعالم الخيال مع فيلم “Children of Men”. اللي بتدور أحداثه في المستقبل، تحديدًا 2027. لما بتتوقف البشرية عن الإنجاب من 18 سنة. ويبقى خطر الفناء قريب. العرض هيبدأ الساعة 7 مساءً، والدخول مجانًا.

وزي ما بدأنا بفن الموسيقى، نختم بفن الرسم، مع معرض “المرأة بألوان الزيت” اللي لسه مستمر في تحرير لاونج. المعرض بيكون فيه لوحات من ورشة الرسم اللي تم تنظيمها في ديسمبر الماضي. الدخول يبدأ من 6 مساءً والدعوة عامة.

دي كانت جولتنا في القاهرة النهارده، نتمنى اختيارتنا تعجبكم.