The Definitive Guide to Living in the Capital , Cairo , Egypt

كوكب دار الأوبرا المصرية الشقيق لا زال محل الاهتمام الأكبر بسيره في مدار  متفرد بأحداثه وناسه وجمهوره وضيوفه وكل حاجة تتسمى باسمه، ولا زالت فعاليات اليومين دول يمكن تلخيصها في مهرجان الموسيقى العربية الداير في مسارح دار الأوبرا.

النهارده برضه كعادتنا في أكتر من يوم في الفترة الأخيرة هنسلط الضوء على فعاليات المهرجان اللي بدأت من آخر أكتوبر، الفعاليات زي ما اتعودنا بتدور على أكتر من مسرح في أكتر من مكان، والعريس الدايم هو المسرح الكبير بدار الأوبرا بالجزيرة، هيستضيف النهارده في تمام الثامنة مساءً سهرة أخرى من السهرات المميزة اللي هتبدأ بفواصل غنائية لكل من رحاب عمر وإبراهيم الحفناوي ثم مروة ناجي، بعدين صوليست بيانو للموسيقار عمرو سليم، ثم تختتم السهرة خير ختام بفقرة الفنان الكبير مدحت صالح بصحبة فرقة عبدالحليم نويرة للموسيقى العربية بقيادة المايسترو صلاح غباشي، أسعار التذاكر 150، 300، 500 جنيه.

أما مسرح معهد الموسيقى العربية في رمسيس فسهرته النهارده هتكون أحادية جدًا، هيستضيف في الثامنة مساءً برضه حفل غنائي متصل لفرقة أم كلثوم للموسيقى العربية، الحفل هيقوده المايسترو مدحت عبدالسميع، وتذاكر حضوره 50 جنيه.

وعلشان تعرفوا كل الأحداث المهمة اللي بتحصل في القاهرة تابعوا أجندتنا.. اضغوا هنا.