The Definitive Guide to Living in the Capital , Cairo , Egypt

مساء الفل، النهارده بداية الأسبوع وكل واحد بيفكر هيعمل إيه في شغله، وهيخلص إيه في مشاويره اللى مابتموتش وسط زحمة الالتزامات، وجنب ده بندور على سكة نطلع بيها من الـ mood اللي مش ولابد ده، واحنا سكتنا معاكم عارفينها، هنروح نشوف القاهرة محضرة لنا إيه النهارده.

الفنان العراقي، وعازف العود الشهير "نصير شمة" هيطل علينا طلة جديدة في حفلة موسيقية على مسرح قاعة النهر في ساقية الصاوي، الحفلة هتبدأ الساعة 8:00 مساءً، وأسعار التذاكر بتبدأ من 65 جنيه.

 

في حين هتستمر فعاليات الدورة الثامنة والثلاثين لمهرجان القاهرة الدولي للسينما، اللي بدأت يوم 15 نوفمبر ومكملة معانا لحد 24 من الشهر الجاري، العروض بتستضيفها سينمات: كريم وأوديون بوسط البلد، وقاعات ومسارح دار الأوبرا المصرية في الجزيرة، أسعار تذاكر حضور العروض: 20 جنيه.

 

والظاهر أنه السينما فارضة نفسها على الأحداث النهاردة، فلو أنت غاوي يبقى لازم نقول لك أن المعهد الهولندي في الزمالك هيعرض الفيلم الوثائقي الهولندي "A strange love affair with ego" الساعة 7:30 مساء ضمن سلسلة عروضه الأسبوعية المتجددة، ودعوة الحضور عامة.
كمان علبة ألوان في الزمالك هتعرض الفيلم الألماني "Yasmin" الساعة 8:30 مساءً.

مساكم سعيد.