The Definitive Guide to Living in the Capital , Cairo , Egypt

الصورة الرئيسية من العرض المسرحي “نوح الحمام” للمصور: السيد عبدالقادر

بداية مبهجة لأسبوع جديد، وأجندة كايرو 360 هتقولك على المفيد، تعالى نشوف هنعمل إيه النهارده في القاهرة:

النهارده عشاق المسرح على موعد مع عرضين مسرحيين، الأول على مسرح الطليعة في العتبة واللي هيقدم العرض المسرحي “نوح الحمام” الساعة 6:30، وأسعار التذاكر: 20 جنيه و 10 جنيه للطلبة. أما العرض التاني فهيكون في مركز الهناجر للفنون وهيقدم مسرحية “أيام صفراء” الساعة 8.

“لمسات” هتستضيف معرض فني هيتناول حياة و كواليس أعمال المخرج العظيم “محمد خان” فى ذكرى وفاته الثالثة. المعرض مستمر لحد يوم 30 يوليو، وبيفتح أبوابه من الساعة 3 العصر للساعة 6 بالليل.

KMT House هيقدم فيلم “فيلا 69” في العرض السابع لنادي السينما المستقلة. العرض هيبدأ الساعة 7:30. 

الساعة 7 معادنا في “ساقية الصاوي” علشان نحضر حفلة غنائية لـ “فويس باند“. سعر التذكرة:50 جنيه.

لسه أحداث وسهرات القاهرة ماخلصتش، جمعناها كل يوم علشان تختار منها اللي يناسبك في أجندة كايرو 360 من هنا.