النهارده في القاهرة: مسلسلات وأفلام.. والأغاني بكل الألوان
Cairo 360
صباح الفل عليكم يا أهل القاهرة الكرام. لسه الجو حر شويتين تلاتة، بس ده مايمنعش إننا نعرف جدول خروجاتنا النهارده، من أجندة كايرو 360. علشان أكيد مش هنفضل قاعدين في البيت.
طبعًا كل الناس اللي متابعة مسلسل Game of Thrones، النهارده بالنسبة لهم يوم عيد. علشان النهارده إتعرضت أول حلقة من المسلسل.. مساحة مشترك في الدقي هتعرض الحلقة دي. العرض هيكون الساعة 6:30 مساءً.
فريق “أفرونوبيا” هيقدم حفلة غنائية في علبة ألوان. هيكون فيها موسيقى الريجي والجانوا، وأغاني التراث النوبي. الحفلة هتبدأ الساعة 8 مساءً. وسعر التذكرة: 60 جنيه.
مساحة مجنوليا في الزمالك، هتعرض فيلم “Youth“. اللي بيدور عن ملحن موسيقي ومخرج، في مرحلة الشيخوخة. وبيقارنوا حياتهم بحياة أولادهم المشتتة. العرض هيبدأ الساعة 7 مساءً. والدخول مجانًا.
أما بلكون هليوبوليس في مصر الجديدة، هتعرض فيلم “The Olive Tree“. وده بيدور عن رحلة بنت وعمها وصديقها، بيبدأوا رحلة علشان يستعيدوا شجرة العائلة. العرض هيبدأ الساعة 8 مساءً. وسعر التذكرة: 25 جنيه.
يومكم نشاط وبهجة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
