النهارده في القاهرة: من القلعة للزمالك.. أغاني ومزيكا على كل لون
Cairo 360
تغيير الروتين هو أحسن حاجة تساعد على الشغل الكويس. وعلشان نغير الروتين، لازم نخرج وننبسط. وهو ده دور أجندة كايرو 360:
محكى القلعة، في قلعة صلاح الدين، هيستضيف حفلة غنائية للفنانة نادية مصطفى. الحفلة هتكون الساعة 10 مساءً. وقبلها هيكون فيه عرض لفرقة المولوية المصرية، الساعة 8 مساءً. سعر التذكرة: 5 جنيه.
الفنان محمد سامي، هيقدم حفلة موسيقية في مكان. هو عازف كمان ومؤلف موسيقي. وعمل حفلات كتيرة جوة وبرة مصر. الحفلة هتبدأ الساعة 8 مساءً. وسعر التذكرة: 40 جنيه.
أما علبة ألوان في الزمالك، هتستضيف حفلة موسيقية لفريق “مسيرة نحو المجهول“. الحفلة هتبدأ الساعة 9 مساءً. وسعر التذكرة: 75 جنيه.
النهارده قدامك فرصة تانية، علشان تغني وتطلع مواهبك المدفونة مع أصحابك، في حفلة كاريوكي عاملاها مساحة رووم، في جاردن سيتي. الحفلة هتبدأ الساعة 7:30 مساءً. وسعر التذكرة: 50 جنيه.
يومكم لذيذ.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
