The Definitive Guide to Living in the Capital , Cairo , Egypt

النهارده بنقول لشهر فبراير مع السلامة. وبنستعد بقى لمارس الجميل. بس قبل ما نودع فبراير، تعالوا نشوف سايب لنا إيه في أجندة كايرو 360:

السفارة الأمريكية النهاردة بتنظم حفلة غنائية بعنوان “الحكواتية”. والحفلة دي بتحييها، لأول مرة في مصر، فنانة الجاز الأمريكية “تشيلسي جرين”. والفنانة “دينا الوديدي”. وهيقدموا مجموعة من أعمالهم الموسيقية المتنوعة. الحفلة هتبدأ الساعة 6 مساءً. وسعر التذكرة: 70 جنيه.

وفي ساقية الصاوي، تحديدًا في قاعة النهر، هيكون ميعادنا مع مجموعة من الأناشيد الدينية والرقص الصوفي. اللي بتقدمه فرقة المولوية المصرية. الحفلة هتبدأ الساعة 7 مساءً. سعر التذكرة: 30 – 35 جنيه.

عازف العود العراقي يوسف عباس، هيحيي حفلة موسيقية خاصة في مكان. وكمان هيغني أغاني هو لحنها أو اقتبس لحنها من التراث العراقي والمصري. الحفلة هتبدأ الساعة 8 مساءً. وسعر التذكرة: 30 جنيه.

أما سيما دكة، في دكة أضف، بتعرض فيلم ” Infernal Affair”. واحد من أنجح أفلام آسيا في العقدين اللي فاتوا. بيدور عن رجل شرطة مندس بين أحد العاصابات. ورجل عصابة مندس بين رجال الشرطة. ومحاولة كل طرف كشف التاني. واللي استوحى منه المخرج مارتن سكورسيزي فيلم “The Departed”. العرض هيبدأ الساعة 7 مساءً. والدخول مجانًا.

يومكم لطيف.