النهارده في القاهرة: ورش وندوات وعروض أفلام وحفلة كاريوكي
Cairo 360
النهارده القاهرة فيها أحداث مختلفة، هتناسب أذواق الكل، علشان بعد شغلك أو جامعتك تخرج وتنبسط، يلا نتعرف على أهم الأنشطة الفنية والثقافية اللي هتحصل في القاهرة من أجندة كايرو 360:
لكل اللي بيحبوا الرسم، خصوصًا بالزيت. مساحة باب 18 في مصر الجديدة عاملة النهارده ورشة رسم بالزيت للمبتدئين. وفيها هيتعرفوا على كل الأساسيات والأدوات الضرورية. تكلفة الورشة: 1000 جنيه.
بلكون هليوبوليس هتعرض فيلم “Paint It Black“. الفيلم بيدور عن الضغوط اللي بتتعرض لها بنت بعد وفاة صديقها. وفي نفس الوقت مواجهة والدته المختلة عقليًا. العرض هيبدأ الساعة 8 مساءً. وسعر التذكرة: 30 جنيه.
ساقية الصاوي هيكون فيها ندوة مهمة جدًا لكل أب وأم، عن تربية الأولاد. بعنوان “إزاي أربي ولادي“. وهتكون في قاعة الكلمة مع د/ وسام عزت. الندوة هتبدأ الساعة 6 مساءً والدخول مجانًا.
وأخيرًا استعدوا علشان تطلعوا كل مواهبكم الغنائية، في حفلة الكاريوكي في رووم آرت سبيس. الحفلة هتبدأ الساعة 8 مساءً. وسعر التذكرة: 50 جنيه.
انبسطوا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
