النهارده في القاهرة: يوم بكل ألوان الفن
Cairo 360
مساء الخير على أهل القاهرة. النهارده الأحد بداية الأسبوع وبداية الشغل والمشاوير وكل حاجة. وقبل زحمة المواضيع دي كلها، تعالوا نشوف أجندة كايرو 360 محضرة لنا إيه:
نبدأ من ساقية الصاوي مع حفلة موسيقية من التراث السوداني بيقدمها الفنان شاكر عبد الرحيم. واللي شارك في العديد من الحفلات الموسيقية في العالم العربي وإفريقيا وأوروبا. الحفلة هتبدأ الساعة 7:30 مساء. وسعر التذكرة: 25 جنيه.
تطوير الذات حاجة مهمة جدًا لكل فرد في حياته الشخصية ومجال عمله. وعلشان كده ميعادكم النهارده مع ندوة بعنوان “طور ذاتك” في مكتبة مصر الجديدة. هتقدمها الدكتورة رباب الششتاوي. الندوة هتكون الساعة 6 مساءً والدخول مجانًا.
أما لو انتم من محبي الرسم والإبداع، يبقى خروجتكم النهارده في تحرير لاونج. علشان تتفرجوا على معرض “المرأة بألوان الزيت”. الخاص بورشة ألوان الزيت اللي اتنظمت في ديسمبر. المعرض هيبدأ الساعة 6 مساءً والدخول مجانًا.
ليلتكم سعيدة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
