النهار هيغيب عن مصر في أغسطس 2027.. كسوف كلي نادر هيحوّل السماء لليل في عز الضهر!
Time and Date أحداث فلكية نادرة الأقصر الفلك في الوطن العربي الكسوف في مصر جدة ظواهر فلكية كسوف الشمس 2027 كسوف كلي مكة ناسا
Cairo 360
الصورة الرئيسية: Daniel Gomez
الصورة الداخلية: CALIN STAN
في ظاهرة سماوية نادرة ما بتحصلش كتير، هتعيش مصر و9 دول عربية تانية لحظة سحرية يوم 2 أغسطس 2027، لما يتحول النهار لليل بسبب أطول كسوف كلي للشمس في القرن ده!
الكسوف ده هيحصل لما القمر يعدي قدام الشمس تمامًا ويغطيها بالكامل، وساعتها هتتحول السماء لشفق مظلم في عز الضهر، لمدة ممكن توصل لأكتر من 6 دقايق كاملة، وده رقم كبير جدًا مقارنة بمعظم الكسوفات الكلية اللي غالبًا ما بتكملش 3 دقايق.
المشهد النادر ده هيبدأ فوق المحيط الأطلسي، وبعدها يعدي من جنوب إسبانيا، ويوصل شمال إفريقيا ويمر على المغرب، الجزائر، تونس، ليبيا، ومصر، وبعد كده يكمل طريقه للسودان، السعودية، اليمن، الصومال، ويوصل للمحيط الهندي.
في مصر، مدينة الأقصر هتكون من أحسن الأماكن في العالم لمتابعة الظاهرة دي، لإنها هتعيش ظلام كلي لمدة أكتر من 6 دقايق متواصلة!
أما في السعودية، الكسوف الكلي هيمر فوق مدينتي مكة المكرمة وجدة، وفي جنوب إيطاليا زي جزيرة لامبيدوزا هيكون كسوف جزئي.
الحدث ده مش بس نادر، ده فرصة عظيمة للمهتمين بالفضاء والظواهر الطبيعية، وكمان لمحبي التصوير والمغامرات العلمية.
مقترح
تسوق
5 أماكن في القاهرة تشتري منها النجف والكريستالات بأسعار تبدأ من 300 جنيه!
أثاث منزلي العتبة +9
الحياة في كايرو
