The Definitive Guide to Living in the Capital , Cairo , Egypt

إحنا مضغوطين بشكل كبير وبقينا في دوامة محتاجين أننا نفصل منها وننقذ نفسنا، وطبعًا كلنا بنحاول نخرج من الضغوط دي لكن الوقت والظروف مش سامحة، لكن إحنا عندنا الحل السحري اللي هيساعد شوية في أنكم تخرجوا من الحالة دي، وهي أنكم تزوروا أفضل 3 أماكن تقدروا فيها تحسنوا حالتكم النفسية وتفصلوا وتعيشوا فيها مساحة من التأمل، والفكرة الأساسية فيها أنها مرتبطة بالانعزال عن العالم الخارجي وأنكم تكونوا مركزين فقط في المكان وتفاصيله.

 

المطعم المظلم

اسمه Dans le Noir وهو فرع من سلسلة عالمية هدفها الرئيسي أنكم تعيشوا حياة المكفوفين للحظات. بتاكلوا وتشربوا وتلعبوا داخل غرفة مظلمة تمامًا، واحنا جربنا المكان قبل كده وتقدروا تشوفوا تجربتنا من هنا، والحقيقة أننا خرجنا من تجربتنا وإحنا نفسيًا أفضل واكتشفنا حاجات جوانا ماكناش نعرف عنها حاجة.

العنوان: 170 ب – البوابة الأولى – حدائق الأهرام.

تقدروا تعرفوا أكتر عنهم من خلال صفحة الفيسبوك من هنا.

كهف الملح

بداية انتشار كهوف الملح كانت في سيوة، ولكن دلوقتي موجودة في القاهرة، ومن الأماكن المميزة لده Phi Salt Cave، ومن المعروف أن كهف الملح طريقة مميزة لتغيير الموود لأنه بيخرج كل الطاقة السلبية اللي جواكم وأثناء الدفن فيه تقدروا تتأملوا كل حاجة وتفضوا ذهنكم من كل الضغوط.

العنوان: شارع عبد الحميد بدوي – بجوار فندق راديسون – مساكن شيراتون

وتقدروا تعرفوا أكتر عنهم من خلال صفحة الفيسبوك من هنا.

 

ماريو هاي روبس

موجود في دير الأنبا سمعان وهو عبارة عن 7 ألعاب شيقة وبترفع الأدريالين وفيه تحدي كبير بيخليكم تنسوا العالم الخارجي وتركزوا في كل لعبة علشان تنجحوا فيها.

العنوان: دير الأنبا سمعان الخراز – جبل المقطم.

تقدروا تعرفوا أكتر عنهم من خلال صفحة الفيسبوك من هنا.