The Definitive Guide to Living in the Capital , Cairo , Egypt

مترو أنفاق القاهرة له موقع رسمي فيه مجموعة من الخدمات المهمة جدًا، واللي هتساعد الركاب، زي أقرب محطة مترو، وتحديد ثمن التذكرة، ومعرفة خط السير، وخريطة المترو، وغيرها من الخدمات الرقمية المختلفة، وفي السطور اللي جاية هنشرحلكم إيه هي الخدمات دي وإزاي تستخدموها.

الموقع متاح لكل المتصفحات العادية وللموبايل، وفيه نسختين عربي وإنجليزي، وده بخلاف وسائل التواصل مع ركاب مترو الأنفاق عن طريق فيسبوك وواتس آب ويوتيوب.

هتلاقوا في الموقع خدمة من/إلى، ودي مربوطة بتطبيق خرائط جوجل، وبتحدد لكم محطة الركوب، والنزول، وكمان المحطات اللي هتمروا عليها والوقت اللي هتاخده الرحلة، وكمان تقدروا تحددوا أقرب محطة مترو لكم سواء لو على رجليكم أو بالعربية، ده غير تعريف بمحطات الخطوط الثلاثة للمترو.

كمان هتقدرو من خلال الموقع إنكم تتعرفوا على سعر تذكرة المترو، وتحددوا محطة الركوب والنزول، وهتعرفوا كام محطة لحد ما توصلوا وسعر التذكرة كام، ده غير خريطة المترو اللي بتوضح كل المحطات وتقابلاتها في كل الخطوط.

الموقع فيه كمان خدمات أكثر زي إنكم تقدروا تعرفوا من خلاله أماكن مكاتب الاشتراكات، وطريقة الاشتراك، والمحافظ النقدية، وأسعار الاشتراك، وحساب عدد المناطق.

هتلاقوا كمان خدمات استقبال الشكاوى والاقتراحات والاستفسارات المقدمة لشركة المترو، وخدمة “سلامتك تهمنا”، ودي بتدي إرشادات مهمة لسلامة الركاب، وكمان بيوفروا معلومات عن مشروعات تطوير المترو لتعريف مستخدميه بإجراءات تحسين الخدمات زي “القطارات الجديدة – السلالم الكهربائية الجديدة – تطوير المحطات” وغيرها.

لينك الموقع من هنا.