بالصور: أغرب 10 ورود ممكن تشوفهم في حياتك
Cairo 360
ترجمة وتحرير: محمد صبري
الورود دائماً مصدر للبهجة والفرحة والراحة النفسية.. مش كده؟ طب هل تتوقع إن ممكن بعض أشكال الورود تسبب لك حالة رعب؟ خوف؟ أو حتى استغراب؟ في الموضوع ده جمعنا لكم 10 صور لأنواع حقيقية من الورود موجودة في عالمنا.. لكن شكلها غريب.. جدًا.
وش القرد “Dracula Simia”
دي وردة ترمي لها صباع موز مش حبوب لقاح.
أحمر شفايف “Psychotria Elata”
ده أحلى صباع روج ولا إيه؟
بنت بترقص “Impatiens Bequaertii”
طب هزة يمين.. طب هزة شمال.
بيبي في اللفة “Anguloa Uniflora”
نام يا حبيبي نام.
البغبغان “Impatiens Psittacina”
تعرف تقول: أرنبنا في منور أنور؟
البطة الطائرة “Caleana Major”
شوفت قبل كده بطة بتطير؟
الملاك “Habenaria Grandifloriformis”
زي الملايكة أما تشوفها.. ورداية تحلم تقطفها.
اليمامة “Peristeria Elata”
أهي دي تقريبًا اليمامة اللي بتبقى على صابونة Dove.
الباليرينة
أحلى عرض باليه، على مسرح أوبرا الجنينة.
طائر البلشون “Habenaria Radiata”
يادوب تنزل تصطاد سمكتين من البحيرة.
تفتكروا إيه أغرب شكل فيهم؟
المصدر الأصلي: موقع “boredpanda”
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
