بالصور: “سكتك خضرا” مشروع جديد في القاهرة لتشجيعك على ركوب العجل
البيئة الدراجات حي عابدين ركوب العجل رياضة سكتك خضرا صحة طرق للعجل محافظة القاهرة
Cairo 360
محافظة القاهرة بدأت خطوات عملية في تنفيذ مشروع سكتك خضرا، واللي بيهدف لتشجيع المصريين على استخدام العجل بدل العربيات.. وشعاره هو “مصر أسرع بالعجلة”.
وأصبح حاليًا في القاهرة فيه أماكن كتير لركن العجل، على سبيل المثال في وسط البلد في ركنات في ميدان عابدين، وشارع محمد محمود، وشارع شريف.
مبادرة (سكتك خضرا)، اللي بدأتها محافظة القاهرة، بتهدف لنشر ثقافة استخدام الدراجات والحفاظ على البيئة من التلوث، وهى مبادرة بيتم تنفيذها بالتعاون مع الدنمارك، وعدد من نوادى الروتارى والجمعيات الأهلية.
وقريب القاهرة هيكون فيها مئات الركنات والطرق المخصوصة للعجل.
5 فوايد لركوب العجلة
كتير مننا بيركب العجلة من باب التسلية، لو في خروجة مع الأصحاب أو في رحلة. لكن الجميل بقى إن ركوب العجلة مش بس مسلي، ده كمان له فوائد مهمة. هتخليك تركب العجلة باستمرار. يلا نتعرف عليها:
1- تقوية عضلة القلب
ركوب العجلة بيزود ضخ الدم للقلب. وده بيقوي عضلة القلب ويخليها تشتغل بأحسن كفاءة.
2- تقليل الوزن
حركة القدمين في ركوب العجلة، بتساعد على حرق سعرات حرارية كتيرة. وده بيقلل الوزن بشكل كبير وملحوظ.
3- زيادة طاقة الجسم
الدورة الدموية في الجسم بتنشط، وبتتحرك معظم العضلات. وده بيزود الشعور بالطاقة والقدرة على ممارسة أنشطة مختلفة.
4- تحسين القدرات العقلية
الاستمرار في ركوب العجلة بيقلل من التشويش والتوتر اللي بيتعرض له الشخص. وده بيساعد على الاسترخاء والقدرة على التفكير بوضوح.
5- علاج التهاب المفاصل
الناس اللي بتعاني من ألم في المفاصل، وفي نفس الوقت مايقدروش على ممارسة التمارين. العجلة هي البديل الأمثل للعلاج.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
