The Definitive Guide to Living in the Capital , Cairo , Egypt

مصدر الصورة من هنا

الفنادق الخضراء انتشرت بقوة في الوسط السياحي خلال الـ10 سنين بقوة بعد ما مصر بدأت خطتها لتحويل الفنادق العادية لفنادق خضراء من سنة 2007، والنوع ده من الفنادق مقصود بيه إنها تكون بتهتم بالحفاظ على البيئة، وزي ما ذكر موقع اليوم السابع فالفنادق دي بتشجع النزلاء على ترشيد استهلاك الكهرباء والمياه، وبتستخدم منظفات صديقة للبيئة، وبترشد في الأكل، وكل فندق بيطبق مواصفات وزارة السياحة الخاصة بالفنادق الخضراء بيحصل على شهادة “النجمة الخضراء”.

في السطور الجاية هنقول لكم على 7 معلومات عن الفنادق الخضراء هتعرفكم عليها أكتر.

1- إجمالي الفنادق اللي حصلت على النجمة الخضراء 83 فندق في كل أنحاء مصر.

2- طاقة الفنادق المشاركة في الحفاظ على البيئة 20 ألف غرفة.

3- الفنادق متوزعة في القاهرة والعين السخنة وشرم الشيخ وطابا والغردقة ومرسى علم.

4- النجمة الخضراء علامة تجارية معترف بيها من المجلس العالمي للسياحة المستدامة.

5- النجمة الخضراء بتحفز التحول للسياحة المستدامة برفع كفاءة استخدام الكهرباء والمياه وتدوير المخلفات.

6- الفنادق الخضراء وسيلة مهمة للترويج لمصر كمقصد سياحي أخضر.

7- النجمة الخضرا 3 درجات “1، 2، 3” وبتكون موجودة في صالات استقبال الفندق مع النجوم اللي بيتصنف بيها.