The Definitive Guide to Living in the Capital , Cairo , Egypt

عسل النحل واحد من أجمل وأهم الأطعمة اللي بتفيد الإنسان على كوكب الأرض، لكن واحدة من المشاكل اللي بتقابل عشاقه، هي العثور على منتجات عسل نحل نقية بنسبة 100%، وفي نفس الوقت يكون سعرها مناسب، لكن المشكلة دي أصبح لها حل عملي بعد ظهور مهرجان العسل المصري، واللي بتستضيف نسخته التانية حاليًا حديقة الأورمان النباتية بالجيزة، واللي موجودة أمام جامعة القاهرة، وبالقرب من حديقة الحيوان.

في الموضوع ده هنعرفكم على 3 معلومات مهمة عن المهرجان المبهج ده:

1- مهرجان العسل المصري في نسخته التانية، بينظمه اتحاد النحالين العرب، تحت رعاية السيد القصير وزير الزراعة واستصلاح الأراضي، وبتستمر فعالياته بداية من يوم الأربعاء 18 نوفمبر 2020، ولمدة 5 أيام.

2- بيشارك في المهرجان السنة دي أكثر من 100 عارض بيمثلوا أهم شركات عسل النحل في مصر والمهتمين بصناعة وتربية وتصدير نحل العسل ومنتجاته المختلفة، لعرض منتجاتهم، والبيع للجمهور بأسعار مخفضة.

3- المهرجان بيتضمن كمان ورش عمل وتدريب يومية، للنهوض بصناعة العسل في مصر، فضلًا عن فقرات فنية ومسابقات ترفيهية تثقيفية ذات جوائز.

وأخيرًا..

تقدروا تعرفوا أكتر عن مهرجان عسل النحل المصري من خلال صفحته الرسمية على الفيسبوك من هنا.