The Definitive Guide to Living in the Capital , Cairo , Egypt

بسبب الغلاء اللي كلنا بنواجهه حاليًا فيه ناس كتير بتفكر تعمل مشاريع من البيت، وتفصيل الملابس مشروع مربح وممكن تتعلمه وأنت في البيت عن طريق مواقع وقنوات على يوتيوب بتوفر لك كل حاجة عن عالم الخياطة مجانًا. وحتى لو مش هتعمل مشروع خياطة كفاية إنك تفصل هدومك بنفسك وتوفر الفلوس الكتير اللي بتدفعها في شراء ملابس جديدة.

قناة إبرة وفتلة:

دي عبارة عن قناة بتحوي حلقات برنامج بتقدمه مصممة الأزياء “سونة عارف” على قناة القاهرة، وبعدها عملته قناة على يوتيوب، متخصصة في تعليم الخياطة، وبتقوم فكرتها الأساسية على استغلال المهارات اللي ممكن تتعلمها.

ده رابط القناة.

مدونة It’s Always Autumn:

ده موقع مجاني مهم جدًا، بيديره ربة منزل بتحترف الخياطة اسمها Autumn، وبتقدم على موقعها أحدث الملابس اللي قامت بخياطتها، مع تقديم طريقة صنعها بالخطوات والصور.

تقدر تدخل على الموقع من هنا.

قناة Craftsy Sewing:

دي قناة تابعة لموقع Craftsy الخاص بتعليم فنون التفصيل والخياطة من خلال فيديوهات مجانية.

تقدروا تدخلوا على القناة من خلال الرابط ده.

موقع All Free Sewing:

ده موقع بيقدم مجوعة كبيرة ومتنوعة من المصادر الخاصة بتعليم التفصيل والخياطة، وبيتيح لك كمان البحث عن تصميمات معينة علشان تعرف طريقة تنفيذها بالصوت والصورة.

تقدروا تزوروا الموقع من هنا.

موقع Learn to Sew:

من أفضل المواقع اللي هتساعدك تتعلم الخياطة، الموقع بيشرح بالطرق المبسطة للمبتدئين طريقة التفصيل، كمان بيقدم ورش لتعليم أساسيات الخياطة.

تقدروا تزوروا الموقع من خلال الرابط ده.

المصدر: موقع صحيفة الوطن.