بتكلفة أقل من 200 جنيه.. 3 أفكار للاستمتاع برأس السنة في القاهرة
أفكار للخروج ليلة رأس السنة اقتراحات خروجات موفرة القاهرة خروجات في القاهرة رأس السنة
Cairo 360
رنا شرف
الاحتفالات والأضواء والزينة والألوان حاجات مبهجة في حياتنا وبتخلينا نشعر بالسعادة. لكن وسط ظروف اقتصادية صعبة عالمنا كله بيمر بها، مش كلنا بنقدر نحتفل، علشان كدة هنعرض عليكم 3 أفكار تساعدكم على الاحتفال برأس السنة وبميزانية أقل من 200 جنيه.. يلا مع بعض ننطلق!
السينما ووسط البلد
السينما خروجة كلاسيكية بتناسب أغلب الأذواق، ودائمًا سينمات القاهرة بتعرض أفلام احتفالية مناسبة للسنة الجديدة، ممكن ندخل سينما في شارع عماد الدين بوسط البلد بسعر 60 جنيه، وبعد كدا نأكل آيس كريم ديسمبر من عند العبد مثلًا، أو نجرب حاجة مفتكسة زي الكشري الحلو اللي بيقدمه محل بـلبن، وده سعره 55 جنيه تقريبًا.
مولات القاهرة
اختار المول اللي يعجبك من مولات كثيرة في القاهرة كلها بتتنافس على الاحتفال برأس السنة بأفضل شكل وأجواء سنة جديدة، هتقدر تتمشى في المول وتتصور مع مظاهر رأس السنة الاحتفالية وأكيد هتنسبط.
تمشية في الممشى
ليلة رأس السنة هتشوفوا ألعاب نارية جميلة في سماء القاهرة، علشان كدة بننصحكم تروحوا ممشى أهل مصر، مكان ممتع والأجواء هناك احتفالية ومبهجة، وسعر التذكرة اقتصادي جدًا. وهناك ممكن تطلب حاجة تأكلها بسعر جميل، أو تتصور أجمل صور احتفالية.
كل سنة وأنتم بخير!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
