The Definitive Guide to Living in the Capital , Cairo , Egypt

الصورة الرئيسية: Element5 Digital

من النهارده، بدأت مكاتب التنسيق في استقبال رغبات طلاب المرحلة الأولى من تنسيق الثانوية العامة 2025، وده بيشمل طلاب كل الشعب: علمي علوم، علمي رياضة، وأدبي. الخطوة دي بتيجي بعد إعلان الحد الأدنى الرسمي للقبول، وعدد الطلاب المستهدفين في كل شعبة، وسط ترقب كبير لمؤشرات القبول بكليات القمة زي الطب والهندسة والإعلام مقارنة بالسنة اللي فاتت.

الحد الأدنى للمرحلة الأولى بالنظام الحديث جاي كده: لشعبة علمي علوم من 293 درجة بنسبة 91.56%، وعلمي رياضة من 283 درجة بنسبة 88.44%، أما الشعبة الأدبية فبدأت من 233 درجة بنسبة 72.81%. وبيبلغ إجمالي عدد الطلاب في المرحلة الأولى بالنظام ده حوالي 92,500 طالب وطالبة.

أما بالنظام القديم، فتم تحديد الحد الأدنى لعلمي علوم عند 350 درجة بنسبة 85.37%، وعلمي رياضة من 335 درجة بنسبة 81.71%، والأدبي من 270 درجة بنسبة 65.85%، بعدد طلاب إجمالي حوالي 2200 طالب.

وبكده، يكون عدد الطلاب المتقدمين لتنسيق المرحلة الأولى من النظامين مع بعض حوالي 94,721 طالب وطالبة.

ولو بتسأل عن مؤشرات كليات القمة، فممكن تبص على تنسيق المرحلة الأولى من السنة اللي فاتت، اللي كانت فيه كلية الطب البشري بتقبل من 93.17%، وطب الأسنان من 92.80%، والعلاج الطبيعي من 92.19%، والصيدلة من 91.70%. أما كلية الهندسة فبدأت من 88.65%، ودي كانت من أكتر الكليات اللي انخفض فيها التنسيق مقارنة بسنين فاتت.

بالنسبة للكليات الأدبية، فاقتصاد وعلوم سياسية القاهرة قبلت من 85.24%، والألسن بدأت من 84.26%، والإعلام من 83.17%. كلية الآثار كمان كانت من 78.04%.

اللي مهم تعرفه كمان إن فيه كليات طب زي طب المنصورة وطب دمياط وطب الزقازيق كان الحد الأدنى للقبول فيها السنة اللي فاتت فوق الـ94%، أما هندسة البترول والتعدين في السويس فوصلت لـ95.12%، وده بيخلي الطلبة اللي داخلين علمي رياضة محتاجين يراجعوا مؤشراتهم كويس.

أما في الأدبي، فالإعلام وألسن وسياسة واقتصاد مازالوا من الكليات الأعلى في التنسيق، وكل كلية ليها ترتيبها واختلاف طفيف في نسب القبول من جامعة للتانية، لكن كله بيكون في رينج 83% لحد 89%.

مهم كمان نعرف إن تسجيل الرغبات بيتم أونلاين من خلال الموقع الرسمي للتنسيق: (اضغط هنا).

وتقدر تسجل من البيت على مدار 24 ساعة، أو من خلال معامل الحاسبات في الجامعات من 9 صباحًا لـ3 عصرًا.

ولو غيرت رأيك، تقدر تعدل رغباتك خلال فترة المرحلة اللي بتستمر 5 أيام.

تابعنا على كايرو360 علشان نكمل معاك نشرات التنسيق أول بأول، ونساعدك تختار صح الكلية اللي تناسبك. بالتوفيق للجميع!