The Definitive Guide to Living in the Capital , Cairo , Egypt

الحكومة المصرية كشفت عن خطتها لمنع الميكروباصات من السير على الطريق الدائري، ومؤخرًا أعلنت الدكتورة آية الجارحي، أستاذة اللوجستيات بكلية النقل الدولي، أن القاهرة هتبدأ من نهاية 2021 في تشغيل مشروع جديد هيكون بديل للميكروباصات، وهو الأتوبيس الترددي BRT، اللي بيستهدف خدمة المواطنين وحمايتهم من التلوث، وده لأنه وسيلة مواصلات بتعمل بالكهرباء.

تعالوا نتعرف على المشروع من خلال 5 معلومات فيهم الخلاصة:

1 – المشروع هيكون نقلة حضارية لمصر، وهيساهم في تخفيف الاختناقات المرورية على الطريق الدائري بدرجة كبيرة.

2 – بمجرد تشغيل المشروع هيتم منع الميكروباصات من السير على الدائري.

3 – هيتم تخصيص مسار محدد للأتوبيس الترددي على الدائري.

4 – الحكومة المصرية بتجري حاليًا دراسات مع شركة فرنسية متعاونة مع الشركة المصرية اللي هتشرف على إتمام المشروع.

5 – سعة الأتوبيس الترددي هتكون كبيرة وسرعته هتكون قريبة من سرعة القطارات والمترو.