برامج الساعة 10 ما تفوتكش على تليفزيون النهار.. أجمد شبكة في مصر!
Cairo 360
شبكة تليفزيون النهار مستمرة في إبهارنا ببرامج مهمة ومؤثرة، كايرو 360 بترشح لكم 4 برامج ما ينفعش تفوتوهم.. تعالوا نعرفهم مع بعض.
الفرنجة: الموسم الرابع
بيستكمل الثلاثي أحمد فهمي وشيكو وهشام ماجد نجاحهم في تقديم الموسم الرابع من الفرنجة، وبنتابع معاهم نقد لسلوكيات المصريين الخاطئة و مقارنتها بعادات بلاد الفرنجة بشكل كوميدي ساخر مع استضافة ضيف كل حلقة علشان يتكلم عن العادة أو السلوك الخاص بكل حلقة، ويُعرض كل خميس.
البلاتوه: الموسم الثالث
أحمد أمين يواصل نجاحه على شاشة تليفزيون النهار وعلى شبكات التواصل الإجتماعي (الخاصة بالنهار) بتقديم الموسم الثالث بشكل جديد ومتميز، ويُعرض كل جمعة.
SATURDAY NIGHT LIVE بالعربي: الموسم الثاني
شبكة تليفزيون النهار بتستمر في تميزها في تقديم الكوميديا والترفيه للمشاهد بتقديم الموسم الثاني حصرياً من البرنامج الكوميدي الساخر SNL بالعربي، ويُعرض كل سبت.
آخر الليل مع هشام منصور
من شبكات التواصل الإجتماعي إلى شاشة التليفزيون . هشام منصور حصرياً و لأول مرة على شاشة تليفزيون النهار في برنامجه الساخر “آخر الليل مع هشام منصور” يناقش القضايا الإجتماعية بطريقة جديدة و شبابية وبيعرض وجهة نظر ساخرة لإصلاح المجتمع وانتقاد العادات و التقاليد اللي ما بقتش بتتماشى مع الزمن الحالي ، ويُعرض كل أحد.
وبكده بتكون القناة الأولى في تقديم الكوميديا والترفيه للمُشاهد المصري 4 أيام أسبوعياً طوال السنة ويخليها دايمًا ناجحة جدًا في جذب جمهور كبير من كل الأعمار، وبتأكد أن الإبداع والتميز مستمر بدون توقف وعلشان كده إحنا بنحب نتفرج عليها. يا ترى إيه برنامجك المفضل على النهار؟
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
