بعد الأسعار الجديدة.. إزاي توفر استهلاك بنزين العربية؟
Mohammed Sabry
زيادة الأسعار البنزين بقت هي الموضوع اللي شاغل الشارع المصري دلوقتي. وكل اللي معاه عربية، بقى يحسب هيصرف كام ويوفر كام في وسط الأسعار الجديدة. وعلشان كده إحنا هنقول لكم على شوية نصائح، جمعناها من مواقع التواصل الاجتماعي، هتساعدكم على توفير ستهلاك البنزين:
– بلاش تسقيط نقلات وحرق، أو أي حاجة بتعلي ال RPM بسرعة. دايمًا خلى رجلك خفيفة على البنزين، وال RPM يعلى بالتدريج.
– خلي رجلك خفيفة على الفرامل، وفرمل من بدري وبالراحة. بلاش تكبس جامد. لما بتفرمل جامد وتتحرك تاني، بتحتاج بنزين كتير، علشان تحرك العربية من الثبات.
– شيل أي أوزان غير ضرورية في العربية. كل ما الوزن خف، كل ما الاستهلاك قل.
– اقفل زجاج العربية، علشان تقلل من المقاومة وانت سايق.
– لو واقف في إشارة والدنيا زحمة، بطل العربية. دي من أكتر الحاجات اللي بتحرق البنزين على الفاضي.
– كل حوالي 10.000 كيلو، هات إي سائل من اللي بينضفوا الكاربيراتير واستعمله. ده بيحسن استهلاك البنزين وأداء العربية.
– حاول تمشي ورا عربية أكبر منك علشان تقلل مقاومة الهواء. يعني لو مشيت ورا عربية نقل، المقاومة هتقل حوالي 90%. واستهلاك البنزين هيقل من 20 لـ 40%.
– اعمل صيانة العربية أول بأول. واتأكد من ضغط العجل وظبط الزوايا. ده كله بيفرق في استهلاك البنزين.
– غير الكاوتش لو عمره انتهى. وخلي الجديد قدام لو جر أمامي، أو ورا لو دفع خلفي. واستعمل كاوتش رفيع لأن استهلاكه للبنزين أقل. بلاش العريض.
سكة السلامة.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
