The Definitive Guide to Living in the Capital , Cairo , Egypt

هل سألت نفسك قبل كده إيه حجم القمامة اللي بيتم رفعها يوميًا من القاهرة؟ مؤخرًا اللواء إيهاب الشرشابي، رئيس هيئة نظافة وتجميل القاهرة، جاوب على السؤال ده، وقال إنه مؤخرًا بيتم جمع 19 ألف طن من القمامة يوميًا من 4 مناطق بالقاهرة “الشمالية والجنوبية والشرقية والغربية”.

والأمر ده بيتم بعد تطبيق منظومة النظافة الجديدة اللي تم التعاقد من خلالهاغ مع شركتين بهدف إن القاهرة تكون أجمل وأكثر نظافة.

رئيس هيئة نظافة القاهرة قال كمان إنه في الفترة الجاية هيتم جمع القمامة من المنازل بنسبة 100%، علشان تختفي المظاهر السلبية من وشارع العاصمة المصرية.

وأضاف الشرشابي، في مداخلة مع برنامج “من مصر” اللي بيقدمه الإعلامي عمرو خليل، على قناة سي بي سي أنه بتجرى حاليًا إزالة التراكمات من منطقة سور مجرى العيون بهدف تطهير المنطقة بالكامل، وبعدها هيتم الانتقال لكل منطقة بالقاهرة لتنظيفها على غرار سور مجرى العيون.

وفى وقت سابق، أكدت وزارة التنمية المحلية أنه تم حتى الآن إنفاق نحو 2.9 مليار جنيه على مشروعات منظومة المخلفات الجديدة في المرحلتين الأولى والثانية، والمشروعات دي بتتضمن إقامة محطات وسيطة ثابتة ومتحركة للمساهمة فى رفع كفاءة الجمع والنقل للمخلفات علشان يحس المواطن بتحسن فى مستوى الخدمة، بالإضافة إلى إنشاء مصانع للمعالجة والتدوير للمخلفات بأحدث التكنولوجيات العالمية وإنشاء مدافن صحية آمنة للتخلص الآمن والسليم من المخلفات والقضاء على الحرق العشوائي وإنهاء وإزالة المقالب العشوائية.