The Definitive Guide to Living in the Capital , Cairo , Egypt

من ساعات، طرح البنك المركزي المصري، فئة العشرة جنيه البلاستيكية (بوليمر) اللي تم إنتاجها باستخدام أحدث خطوط إنتاج البنكنوت المطبقة فى العالم، وتم طباعة العملة في دار الطباعة الجديدة فى العاصمة الإدارية.

وظهرت على العملة الجديدة صور لمسجد “الفتاح العليم”، وبالمناسبة دي، تعالوا نتعرف على أبرز المعلومات عن المسجد الأكبر في العاصمة الإدارية الجديدة.

1 – افتتحه الرئيس عبد الفتاح السيسي، يوم 6 يناير 2019، بالعاصمة الإدارية الجديدة، بحضور الرئيس الفلسطيني محمود عباس أبو مازن، والدكتور أحمد الطيب شيخ الأزهر، والبابا تواضروس الثاني، بابا الإسكندرية وبطريرك الكرازة المرقسية.

2 – المسجد مصمم على التراث المعماري الإسلامي، وبيضم 4 مآذن بيعلوها هلال من النحاس بإجمالي ارتفاع 95 متر.

3 – بيتسع لـ17 ألف مصلي وبيتكون من دورين، الأرضي بيتسع لـ6300 مصلي، والدور الأول فيه مصلى للسيدات بيتسع لـ1200 مصلي، وبيبلغ إجمالي عدد المصلين في صحن المسجد 7500 مصلي.

4 – بيضم المسجد 21 قبة، والقبة الرئيسية للمسجد قطرها 33 متر وارتفاعها 44 متر، وبيوجد 4 قباب رئيسية كمان على أركان المسجد، القبة الواحدة قطرها 11.75 متر وارتفاعها 29 متر، ده غير 6 قباب على المداخل الرئيسية للمسجد وقاعات المناسبات، وفيه كمان 10 قباب على الأسوار الخارجية للمسجد.

5 – بيضم المسجد 520 وحدة إضاءة، وبيحتوي على 74 نجفة بقطر ما بين 1.2 متر و15 متر، وبيبلغ قطر النجفة الرئيسية 15 متر ووزنها 9 أطنان ومثبتة بـ76 نقطة تثبيت.

6 – بيضم المسجد بدروم تحت الساحة الرئيسية، بيضم مصلى يومي ومكانين للوضوء وقاعة لتحفيظ القرآن، و4 سلالم كهربائية متحركة لكبار السن، و2 مكتبة لتحفيظ القرآن.

7 – اشتغل في المسجد ده حوالي 30 ألف مهندس وفني وعامل.