Mohammed Sabry
من ضمن أعمال التطوير اللي بتحصل مؤخرًا في القاهرة، بيتم حاليًا تطوير منطقة البورصة في وسط البلد. وده تحت إشراف اللجنة العليا للحفاظ على التراث. بتمويل من عدد من الكيانات الاقتصادية، ومنها بنوك وشركات.
وحسب موقع اليوم السابع، وضح المهندس عاطف عبد الحميد محافظ القاهرة، إنه هيتم الانتهاء من تطوير منطقة شارع الشريفين، اللي بتضم 9 عقارات بطابع معماري مميز. زي: مبنى الإذاعة الشهير – فندق كوزموبوليتان – مباني البورصة، وغيرهم. وكمان هيتم تبليط الشوارع مع الحفاظ على الأشجار والمساحات الخضراء. ورفع كفاءة أعمدة الإنارة وتوزيعها على الشارع اللي طوله 190 متر.
ده غير تكليف شركة الصوت والضوء بعمل إضاءة مناسبة للعقارات المتميزة. زائد اختيار شارع الشريفين لافتتاحه مع إطلاق احتفالات اليوم العالمي للتراث، الموافق 18 أبريل الجاري. واللي بيرعاها المجلس الدولي للمعالم والمواقع الأثرية، ومنظمة اليونسكو.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
