The Definitive Guide to Living in the Capital , Cairo , Egypt

لو كنت من عشاق الكتب فأكيد أنت من المترددين كل سنة على معرض القاهرة الدولي للكتاب. وممكن تكون زعلت إن إدارة المعرض قررت نقله السنة دي، لمركز مصر للمؤتمرات والمعارض الدولية بالتجمع الخامس، بعد ما كان في أرض المعارض بمدينة نصر.

على العموم ما تقلقش تقدر تروح ببساطة للمعرض اللي هيبدأ يوم 23 يناير وهيستمر لحد حتى 5 فبراير 2019 من خلال مواصلات القاهرة المنشرة في أغلب الميادين.

وبحسب تقرير نشرته صحيفة الوطن المصرية فدي أبرز طرق الوصول لمكان المعرض من مناطق مختلفة في القاهرة:

 

التحرير:

تقدر تركب من التحرير “ميكروباص” خط السيدة عائشة، وهناك هتلاقي أتوبيس 716، واللي هينقلك للتجمع الخامس، أو تركب أتوبيس “مواصلات مصر” من ميدان التحرير.

موقف المنيب:

هتلاقي في ميدان المنيب “ميكروباص” السيدة عائشة، ومن هناك هتلاقي أتوبيس 716 أو “ميكروباص” خط التجمع الخامس.

رمسيس:

تقدر تركب “ميكروباص” لعباس العقاد، وبعدها تركب “ميكروباص” للحي العاشر، وهناك هتلاقي مواصلات لمنطقة التجمع الخامس.

مدينة نصر والعباسية:

تقدر تركب “ميكروباص” من الحي العاشر واللي هيوصلك للتجمع الخامس.

المعادي:

تقدر تركب “ميكروباص” من أوتوستراد المعادي والنزول عند البنزينة وتركب من هناك “ميكروباص” تاني للتجمع. أو تركب “ميكروباص” من صقر قريش للسيدة عائشة ومنها للتجمع، أو تركب “ميكروباص” من صقر قريش لموقف العاشر ومنها “ميكروباص” تاني للتجمع.

ونحب نعرفك كمان إن إدارة معرض الكتاب أعلنت عن توفير وسائل مواصلات لنقل الجمهور للمعرض مجانًا وإحنا في كايرو 360 هننشر لكم كل تفاصيلها قريب جدًا.