The Definitive Guide to Living in the Capital , Cairo , Egypt

في حي جاردن سيتي العريق بالقاهرة، هتشوف عمارة بلمونت الشهيرة، واللي ارتفاعها أكثر من 100 متر، يعني بتعد بالفعل ناطحة سحاب. العمارة جزء مهم من تاريخ القاهرة الحديث، وبالتأكيد تستحق نتكلم عنها.

 

عمارة بلمونت بتقع على ضفاف نهر النيل في حي جاردن سيتي، قام بتصميمها وبنائها المهندس نعوم شبيب، وهو واحد من المهندسين المصريين المتميزين فى عصره، وأطلق عليه الكثيرين لقب أبو العمارة الحديثة في مصر، وهو نفسه الفنان اللي صمم برج القاهره سنة 1961، ومبنى جريدة الأهرام سنة 1968، وسينما ومسرح علي بابا، وكنيسة سانت كاترين بمصر الجديدة، وأكثر.

بتتكون عمارة بلومنت من 31 دور، وتم الانتهاء منها عام 1958.

اسم المبنى الأصلي هو عمارة ثابت ثابت، نسبة لمالكها الأول، لكنها أشتهرت بعمارة بلمونت نسبة لأعلان سجائر بلمونت اللي كان متواجد على سطحها.

تكلفة العمارة وصلت لـ300 ألف جنيه، وده مبلغ كان ضخم جدًا في الوقت ده، وبضم الدور شقتين، وكان إيجار الشقة 30 جنيه في الشهر، وده برضه كان مبلغ كبير وقتها، لكنه كان دليل على إن سكانها في عصرها الذهبي كانوا صفوة المجتمع.