Omar Abd-elmaqsoud
مش أول مرة تتكلم مواقع أجنبية كبيرة، ليها تقلها وكلمتها في عالم الصحافة العالمية عن “القاهرة” بصورة مبهجة وتشرف، والنهارده نفتح عنينا على كلام موقع (بيزنس إنسايدر) الأمريكي اللي بيقول عن القاهرة إنها أه واحدة من أزحم المدن على مستوى العالم، لكن في نفس الوقت ده سر جاذبيتها وتفردها.
(بيزنس إنسايدر) بيقول إن الحيوية واندماج الحضارات والطعام الشهي، كل دي مميزات تخلي العاصمة المصرية (القاهرة) مدينة استثنائية، تتمتع بجاذبية خاصة.
القاهرة مدينة الـعشرين مليون نسمة، مشهورة بكونها أزحم مدن الشرق الأوسط وثانى أزحم مدينة فى أفريقيا، وتعتبر محطة مهمة للسياح قبل الانطلاق للمواقع الأثرية المشهورة فى الجنوب.
“هاريسون جيكوبس” مراسل الموقع الأمريكى كان ليه رأى تاني، “هاريسون” قال إنه على مدى أسبوعين قضاهم فى القاهرة، انبهر بالطاقة والحيوية اللي في شوارع القاهرة، خاصةً أنها بتدمج بين حضارات مختلفة، زي الفرعونية المتمثلة فى الأهرامات، والقبطية والإسلامية، وده بيديها جاذبية وجمال مش موجودين كتير، ده طبعًا غير أشهر الأكلات المصرية المشهورة اللى بينبهر بيها السياح.
أما خفة دم المصريين وبساطتهم فده موضوع تاني خالص زي ما بيقول “هاريسون” في كلامه، وده اللي شافه وعاشه ولمسه بعد رحلته بين مطاعم وقهاوي وبياعين ومحلات وشوارع القاهرة.
مقترح
صحة ولياقة
اسكيت X.. أول أكاديمية في مصر بتعلم التزلج لأبطالنا من أصحاب الهمم!
أصحاب الهمم أكاديمية سكيت X +12
معالم وسياحة
