تاكسي في نيل القاهرة.. كل اللي محتاجين تعرفوه عن “نايل تاكسي”
تاكسي النيل خروجات القاهرة سعر تذكرة نايل تاكسي سعر نايل تاكسي محطات نايل تاكسي مواصلات القاهرة نايل تاكسي
Cairo 360
لو كنتم من عشاق نهر النيل، أجمل وأهم أنهار العالم، فعندكم فرصة تركبوا “نايل تاكسي” اللي هيلف بيكم في رحلة ممتعة في نهر النيل في العاصمة المصرية، بسعر مناسب للمصريين والأجانب كمان.
مؤخرًا أعلن المهندس مجدي غالي، رئيس مجلس إدارة شركة نايل تاكسي في تصريحات لموقع المال، إن الشركة هتفتح خلال شهر من النهارده 7 مراسي نهرية جديدة، بداية من منطقة المعادي وحتى منطقة الساحل في شبرا الخيمة، والمراسي دي هتكون خاصة بمشروع تاكسي النيل “نايل تاكسي”.
وأكد غالي إن الشركة انتهت من تنفيذ البنية الأساسية بتكلفة بلغت 14 مليون جنيه، وقامت بتشغيل 13 تاكسي بسعات توصل لحد 15 راكب للتاكسي الواحد.
أما بخصوص سعر التذكرة للرحلة فهتكون بين 45 إلى 50 جنيه للفرد الواحد حسب الرحلة.
وشركة “نايل تاكسي” بتستهدف خلال الفترة الجاية تشغيل أتوبيس نهري من المعادي ولحد حلوان، ومن الساحل للقناطر الخيرية، ومن المتوقع بدء العمل فعلياً خلال 3 شهور من النهارده بسعر تذكرة هيتناسب مع جميع الفئات.
والشركة بتقوم حاليًا بتصنيع أتوبيسات بطاقة 50 راكب للأتوبيس الواحد.
وفكرة تشغيل التاكسي النهري تم طرحها من أكثر من 3 سنين بهدف تخفيف الزحام المروري في القاهرة الكبرى، وحصلت شركة “نايل تاكسي”، وشركة “نيل القاهرة” على أول رخصتين، لكن شركة “نيل القاهرة” قامت بتجميد عملها بسبب التطويرات اللي بتنفذها الحكومة على كورنيش النيل حاليًا.
وبتنفذ “نايل تاكسي” رحلات من خلال نظامين للخدمة، الأول المواعيد الثابتة في المحطات، والثاني الرحلات الخاصة اللي بتنطلق حسب طلب العميل.
للتعرف أكثر على خدمات “نايل تاكسي”، ولمعرفة مواعيد الرحلات ادخلوا على صفحتهم على الفيسبوك من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
