The Definitive Guide to Living in the Capital , Cairo , Egypt

القاهرة بتتغير. مشاريع عملاقة في كل مكان. أفكار مبتكرة لخدمة المصريين. محاولات جادة وحقيقية لتجميل العاصمة المصرية. ونقدر نقول إن مونوريل القاهرة، هيكون واحد من أهم المشاريع اللي هتغير وجه العاصمة المصرية.. تعالوا نتعرف هنا على 6 معلومات جديدة عن المشروع العظيم ده.

 

1 – مؤخرًا، أعلنت الهيئة القومية للأنفاق أن قطارات المونوريل المصري اللي بيجرى تنفيذه حاليًا هيكون على أرصفتها ولأول مرة ‏Screen Doors‏ ‏أمام أبواب القطار للحفاظ على سلامة الركاب، ولحماية أي مواطن عنده أزمات نفسية وممكن يفكر في الانتحار.

 

2 – الهيئة أضافت كمان أن ‏زمن الرحلة لخط مونوريل العاصمة الإدارية هيكون 60 دقيقة بداية من محطة استاد القاهرة بمدينة نصر وحتى العاصمة الإدارية، اللي هيكون عندها نهاية الخط ده.

 

3 – وكشفت الهيئة، أن المونوريل هيتحرك على كمرة خرسانية وهيشتغل بدون سائق وهتبلغ ‏السرعة التصميمية ‏له 90كم/الساعة، وهيكون زمن التقاطر حوالي 90 ثانية.

4 – كمان هيكون فيه ممرات آمنة ه‏تسمح بانتقال ‏الركاب بين العربات لمزيد من الراحة في ظروف التشغيل العادية وتسهيل عمليات الإخلاء في ‏حالات ‏الطوارئ، وهيتم تزويدها بكاميرات تليفزيونية بكابينة القطار للمراقبة المركزية للسكة.

 

5 – أضافت الهيئة، أنه هيتم تزويد عربات المونوريل بشاشات ‏LED‏ لاستخدامها في تزويد الركاب بمعلومات عن الرحلة أو لاستخدامها تجاريًا في بث الإعلانات ‏التجارية مدفوعة الأجر، كمان هيتم تزويد أعلى الأبواب الجانبية بشاشة ‏لإعلام الركاب باسم المحطة النهائية قبل استقلالهم للقطار‏.

 

6 – برضه هيتم تخصيص أماكن للكراسي ‏المتحركة الخاصة بذوي الاحتياجات الخاصة مزودة بوسائل للتثبيت، وهيتم تزويد ‏العربات بخرائط أعلى أبواب الركاب من الداخل هتبين المسار عن طريق لمبات مضيئة لمساعدة ‏فاقدي حاسة ‏السمع.