The Definitive Guide to Living in the Capital , Cairo , Egypt

الحياة في كايرو

تطبيق دوار.. شوارع القاهرة أجمل بدون قمامة

DAWAR Environ Adapt إنفيرون أدابت القمامة المخلفات دوار محافظات وزارة البيئة
تطبيق دوار.. شوارع القاهرة أجمل بدون قمامة
بواسطة
Omar Abd-elmaqsoud

لو جمعنا كل الاتجاهات العالمية المهتمة بالتلوث البيئي والاستخدامات المضرة للبلاستيك، مع الاحتباس الحراري وإعادة تدوير المخلفات هنلاقيها كلها بتسعى لحاجتين مهمين، الأولى هو تقليل المخلفات قدر المستطاع، والتانية هي الاستخدام والتدوير الأمثل للمخلفات اللي هتطلع علشان ماتسببش أي أضرار للبيئة.

السطريين اللي فوق دول هما بالضبط المحاور الأساسية اللي هتشتغل عليها المنظومة الإلكترونية الجديدة، اللي أطلقتها وزارة البيئة واللي هدفها رصد المخلفات في 6 أحياء في محافظة القاهرة كبداية للمرحلة الأولى للمنظومة اللي هتشمل 7 محافظات هما الجيزة والإسكندرية وقنا وأسيوط والغربية وكفر الشيخ، وده هيتم من خلال تطبيق خاص بالمواطنين والمجتمع المدنى هيراقبوا من خلاله المخالفات ويبلغوا عنها.

تطبيق “DAWAR” هو التطبيق اللي تم اعتماده من جهاز تنظيم إدارة المخلفات التابع للوزارة وبالتعاون مع شركة “إنفيرون أدابت Environ Adapt” وهيكون طريقة عمله سهلة جدًا، وهي إرسال صور للمخلفات أو القمامة الموجودة في الشارع للجهات المعنية بإدارة المنظومة، ومنها شركات النظافة وتجميع القمامة المصرح لها في كل منطقة خدمة، وبناءًا على الصورة، هتتحرك الجهات المعنية لإزالة المخلفات.

لو حابين تعرفوا أكتر عن التطبيق وكيفية عمله، أو عندكم أي استفسار عن الأحياء أو المناطق المتاح فيها خدمات التطبيق، ممكن تدخلوا على صفحة “DAWAR الرئيسية على الفيسبوك من هنا.

 ممكن تنزلوا تطبيق “DAWAR” دلوقتي لو كنتم من مستخدمي الأندرويد من خلال Google Play من هنا.

أو لو كنتم من مستخدمي الآيفون والـ IOS فممكن تنزلوه من App Store من هنا.

مقترح