The Definitive Guide to Living in the Capital , Cairo , Egypt

الحياة في كايرو

تطبيق TaxiF.. منافس جديد في سوق النقل الذكي المصري

TaxiF أسعار TaxiF تأجير سيارة تحميل تطبيق TaxiF طلب سيارة موقع TaxiF
تطبيق TaxiF.. منافس جديد في سوق النقل الذكي المصري
بواسطة
Mohamed Talaat

سوق النقل الذكي بقى فيه كذا شركة بتنافس جوا مصر، وده دليل على أن السوق المصري ومجال النقل الذكي يتحمل كتير من المنافسة لخدمة الشعب المصري، ورغم قوة المنافسين إلا أن السوق ممنعش دخول منافس جديد واللي ظهر فجأة بعنوان واضح “لو متأخر اطلب TaxiF”. في السطور الجاية هنقول لكم على كل المعلومات المتاحة اللي قدرنا نوصل لها من خلال التطبيق وكمان مقارنة الأسعار بينهم وبين المنافسين.

 

أولًا التطبيق بما أنه جديد فالعربيات فيه مش متاحة كتير، ولكن بدايته كويسة، وهو بيقدم 4 أنواع من المواصلات “إيكو” وهو أعلى فئة وسيارات متميزة وأقل تعريفة بها 15 جنيه، و”إيكو بلس” هي الفئة المتوسطة وأقل تعريفة به 5 جنيه، و”التاكسي” وأقل تعريفة به 10 جنيهات، أما “البايك” فأقل فئة وأقل تسعير به 5 جنيه.

للأسف كان فيه صعوبة أننا نعرف سعر الكيلو والانتظار والتعريفة بشكل عام من التطبيق وتواصلنا معاهم ولكن مافيش رد سريع من خدمة العملاء، ولكن إحنا عملنا مقارنة مع الشركات الكبرى اللي موجودة في السوق “أوبر – كريم – ديدي – ان درايف” مع تطبيق TaxiF، في رحلة بدأناها من دجلة المعادي لحد منطقة البنوك التجمع الأول وكانت الأسعار لأعلى فئة في كل التطبيقات (101 – 97 – 97- 65) جنيه، ولكن في تطبيق TaxiF، كان السعر 54 جنيه، وبالتالي التطبيق الجديد هو الأوفر.

أما في فئة البايك فالتطبيق كان في المرتبة الرابعة بسعر 53.6 جنيه في نفس المشوار، وكانت أسعار التطبيقات الأقل (41 –47 – 48) جنيه، والتطبيق الأخير الأعلى كان بسعر 58 جنيه.

وميزة التطبيق الحالية أنه بيوفر وسيلة تواصل مباشرة مع خدمة العملاء من خلال “واتس آب – تليجرام – شات مباشر – الإيميل” وده مش موجود في كل التطبيقات تقريبًا، وطبعًا إحنا حاولنا نتواصل من خلال وسائل كتير ولكن لم يتم الرد إلا من خلال البوت، ولكن نعتقد بما أنهم لسه في مرحلة التجهيزات ففيه صعوبة بالخدمة ومتوقع هتكون أفضل.

التطبيق رغم أنه جديد في مصر ولكنه موجود في دول كتير حول العالم ومنهم 4 دول عربية وأحدثهم مصر، وبنأمل يكون منافس قوي للشركات الـ4 القديمة اللي موجودة وبتقدم خدمات تهم الشارع المصري بمميزات وعيوب مختلفة من شخص لآخر، وبعيدًا عن التطبيق تقدروا تطلبوا من خلال الويب سايت الخاص بهم سيارة بدون تنزيل التطبيق من هنا.

وأخيرًا..

التطبيق لسة في مرحلة تجريبية، يمكن مش أفضل حاجة تستخدموه حاليًا، لكن الواضح إنه هيكون منافس قوي المرحلة الجاية في مصر.

تقدروا تحملو التطبيق لمستخدمي Ios من هنا.

ولمستخدمي Android  تقدروا تحملوا التطبيق من هنا.

ولو محتاجين تعرفوا معلومات أكتر عن التطبيق زوروا صفحتهم على فيسبوك من هنا.

مقترح