تفاصيل احتفال متحف النسيج المصري بيوم اليتيم
الجمالية شارع المعز شهر ابريل متحف النسيج يوم اليتيم
Omar Abd-elmaqsoud
الصورة لمتحف النسيج من الخارج.. تصوير: أحمد الششتاوي
أول جمعة من شهر إبريل من كل سنة بنحتفل في مصر بيوم اليتيم، والاحتفال بيهم ليه أشكال مختلفة ومبهجة، وكل واحد بيعمل اللي يقدر عليه علشان يكون جمبهم ويسعدهم ويفرحهم في اليوم ده.
وبمناسبة اليوم ده، بدأ متحف النسيج المصرى اللي في شارع المعز استعداداته للاحتفال بيه بشكل خاص ومختلف، وده عن طريق تخصيص يوم الجمعة، اللي هيكون موافق 5 أبريل لعمل احتفالية كبيرة لدور الأيتام في منطقة الجمالية.
دي تعتبر المرة الرابعة على التوالى اللى بيقدم وينظم فيها المتحف حاجة زي كده، فكان كل سنة بيستضيف أكثر من خمسين طفل من أطفال دار الجمالية لرعاية الأيتام، ومجموعة من أيتام دور رعاية تانية كمان.
الاحتفالية دي هيكون فيها أحداث كتير مبهجة، هتبتدي بزيارة خاصة للأطفال لكنوز المتحف، وبعد كده حفلة فنية لعروض “دى جى” وفقرات عروض العرائس والأراجوز والبلياتشو، وده هيكون على مسرح بيت الشاعر في شارع المعز.
طبعًا ده غير ورشة رسم وتلوين ورق البردى، اللي هتكون تحت إشراف فنان البردى الشهير”عاطف علي”، وكمان هيوزعوا مجموعة كبيرة من الهدايا والألعاب.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
